რას ვაკეთებთ

საქართველოში მცხოვრები შეზღუდული შესაძლებლობის მქონე პირები და მათი ისტორიები

90–იან და ადრეულ 2000–იან წლებში საქართველოში უშუქობა საკმაოდ ხშირი მოვლენა იყო. ჩვეულებისამებრ, ელექტროენერგია ხალხს დღის განმავლობაში მხოლოდ რამდენიმე საათით მიეწოდებოდა. ღამით მოსახლეობა მოთმინებით ელოდა.... თუ როდის გაანათებდა მათ ჩაბნელებულ ფანჯრებს სინათლის სხივი, რასაც უმალვე მოჰყვებოდა ბედნიერი და მხიარული შეძახილები მთელ ქვეყანაში -"შუქი მოვიდა".   ჩვენი Facebook გვერდი შეიქმნა იმისთვის, რომ მოგიყვეთ ისტორიები სპეციალურ საჭიროებებზე საქართველოში იმ ადამიანების მეშვეობით, რომლებმაც თავიანთ თავზე გამოსცადეს ესა თუ ის დაბრკოლება. გიამბობთ წარმატებულ, რთულ და ყოველდღიურ ისტორიებს. ვიმედოვნებთ, რომ მათი ცხოვრების ამსახველი ფრაგმენტების ახლოდან დანახვით, მეტ კითხვაზე გვექნება პასუხი, უკეთ გავაცნობიერებთ აღნიშნულ საჭიროებებს და ერთად შეგვეძლება ვთქვათ "შუქი მოვიდა" – ჩვენ უკეთ ვხედავთ!     იდეა ეფუძნება ამერიკულ პროექტს "Humans of New York".